زندگی اور ہیں کتنے ترے چہرے یہ بتا
تجھ سے اک عمر کی حالانکہ شناسائی ہے

امیر قزلباش

---

---

کچھ دن سے زندگی مجھے پہچانتی نہیں
یوں دیکھتی ہے جیسے مجھے جانتی نہیں

انجم رہبر

---

---

زندگی کی ضرورتوں کا یہاں
حسرتوں میں شمار ہوتا ہے

انور شعور

---

---

موت ہی انسان کی دشمن نہیں
زندگی بھی جان لے کر جائے گی

عرش ملسیانی

---

---

ہر نفس اک شراب کا ہو گھونٹ
زندگانی حرام ہے ورنہ

آرزو لکھنوی

---

---

زندگی اور زندگی کی یادگار
پردہ اور پردے پہ کچھ پرچھائیاں

اثر لکھنوی

---

---

لوگ مرتے بھی ہیں جیتے بھی ہیں بیتاب بھی ہیں
کون سا سحر تری چشم عنایت میں نہیں

اصغر گونڈوی

---

---