جو تصور سے ماورا نہ ہوا
وہ تو بندہ ہوا خدا نہ ہوا

اقبال سہیل

---

---

میں جب بھی اس کے خیالوں میں کھو سا جاتا ہوں
وہ خود بھی بات کرے تو برا لگے ہے مجھے

جاں نثاراختر

---

---

تیرے خیال کے دیوار و در بناتے ہیں
ہم اپنے گھر میں بھی تیرا ہی گھر بناتے ہیں

جمیل الدین عالی

---

---

لب خیال سے اس لب کا جو لیا بوسہ
تو منہ ہی منہ میں عجب طرح کا مزا آیا

جرأت قلندر بخش

---

---

میں کہ تیرے دھیان میں گم تھا
دنیا مجھ کو ڈھونڈھ رہی تھی

کرامت بخاری

---

---

جانے کیوں اک خیال سا آیا
میں نہ ہوں گا تو کیا کمی ہوگی

خلیلؔ الرحمن اعظمی

---

---

میں نے تو تصور میں اور عکس دیکھا تھا
فکر مختلف کیوں ہے شاعری کے پیکر میں

خوشبیر سنگھ شادؔ

---

---