اپنی اجڑی ہوئی دنیا کی کہانی ہوں میں
ایک بگڑی ہوئی تصویر جوانی ہوں میں

اختر انصاری

---

---

رگوں میں دوڑتی ہیں بجلیاں لہو کے عوض
شباب کہتے ہیں جس چیز کو قیامت ہے

اختر انصاری

---

---

شباب نام ہے اس جاں نواز لمحے کا
جب آدمی کو یہ محسوس ہو جواں ہوں میں

اختر انصاری

---

---

ہے قیامت ترے شباب کا رنگ
رنگ بدلے گا پھر زمانے کا

اختر شیرانی

---

---

یاد آؤ مجھے للہ نہ تم یاد کرو
میری اور اپنی جوانی کو نہ برباد کرو

اختر شیرانی

---

---

حیا نہیں ہے زمانے کی آنکھ میں باقی
خدا کرے کہ جوانی تری رہے بے داغ

علامہ اقبال

---

---

ہے جوانی خود جوانی کا سنگار
سادگی گہنہ ہے اس سن کے لیے

youthfullness is itself an ornament forsooth
innocence is the only jewel needed in ones youth

امیر مینائی

---

---