اے غم زندگی نہ ہو ناراض
مجھ کو عادت ہے مسکرانے کی

عبد الحمید عدم

---

---

لذت غم تو بخش دی اس نے
حوصلے بھی عدمؔ دیے ہوتے

عبد الحمید عدم

---

---

غم سے نسبت ہے جنہیں ضبط الم کرتے ہیں
اشک کو زینت داماں نہیں ہونے دیتے

ابرار کرتپوری

---

---

غم سے ہم سوکھ جب ہوئے لکڑی
دوستی کا نہال ڈال کاٹ

آبرو شاہ مبارک

---

---

غم حبیب نہیں کچھ غم جہاں سے الگ
یہ اہل درد نے کیا مسئلے اٹھائے ہیں

ابو محمد سحر

---

---

تکمیل آرزو سے بھی ہوتا ہے غم کبھی
ایسی دعا نہ مانگ جسے بد دعا کہیں

ابو محمد سحر

---

---

خامشی سے ہوئی فغاں سے ہوئی
ابتدا رنج کی کہاں سے ہوئی

ادا جعفری

---

---