etab sa phirta hai kai roz se 'asi'
bechaare ne phir tum ko kahin dekh liya hai

Aasi uldani

---

---

qaul 'abru' ka tha ki na jaunga us gali
ho kar ke be-qarar dekho aaj phir gaya

Abroo Shah Mubarak

---

---

jo charagh sare bujha chuke unhen intizar kahan raha
ye sukun ka daur-e-shadid hai koi be-qarar kahan raha

Ada Jafri

---

---

kisi tarah to ghaTe dil ki be-qarari bhi
chalo wo chashm nahin kam se kam sharab to ho

Aftab Hussain

---

---

e-qarari thi sab ummid-e-mulaqat ke sath
ab wo agli si daraazi shab-e-hijran mein nahin

Altaf Hussain Hali

---

---

jaane de sabr o qarar o hosh ko
tu kahan ai be-qarari jaegi

Amirullah Tasleem

---

---

hum ko na mil saka to faqat ek sukun-e-dil
ai zindagi wagarna zamane mein kya na tha

Azad Ansari

---

---