اک برس بھی ابھی نہیں گزرا
کتنی جلدی بدل گئے چہرے

کیف احمد صدیقی

---

---

ہاتھ چھڑا کر جانے والے
میں تجھ کو اپنا سمجھا تھا

خالد معین

---

---

خالدؔ میں بات بات پہ کہتا تھا جس کو جان
وہ شخص آخرش مجھے بے جان کر گیا

خالد شریف

---

---

مجھے اب آپ نے چھوڑا کہ میں نے
ادھر تو دیکھیے کس نے دغا کی

لالہ مادھو رام جوہر

---

---

سمجھا لیا فریب سے مجھ کو تو آپ نے
دل سے تو پوچھ لیجیے کیوں بے قرار ہے

لالہ مادھو رام جوہر

---

---

عقل کہتی ہے دوبارہ آزمانا جہل ہے
دل یہ کہتا ہے فریب دوست کھاتے جائیے

ماہر القادری

---

---

اکثر ایسا بھی محبت میں ہوا کرتا ہے
کہ سمجھ بوجھ کے کھا جاتا ہے دھوکا کوئی

مظہر امام

---

---