ایک آنسو نے ڈبویا مجھ کو ان کی بزم میں
بوند بھر پانی سے ساری آبرو پانی ہوئی

a single tear caused my fall in her company
just a drop of water drowned my dignity

شیخ ابراہیم ذوقؔ

---

---

نہیں بجھتی ہے پیاس آنسو سیں لیکن
کریں کیا اب تو یاں پانی یہی ہے

سراج اورنگ آبادی

---

---

جب بھی دو آنسو نکل کر رہ گئے
درد کے عنواں بدل کر رہ گئے

صوفی تبسم

---

---

کھل کے رونے کی تمنا تھی ہمیں
ایک دو آنسو نکل کر رہ گئے

صوفی تبسم

---

---

کتنی فریادیں لبوں پر رک گئیں
کتنے اشک آہوں میں ڈھل کر رہ گئے

صوفی تبسم

---

---

دم رخصت وہ چپ رہے عابدؔ
آنکھ میں پھیلتا گیا کاجل

سید عابد علی عابد

---

---

دل کی ہر بات کہہ گئے آنسو
گر کے آنکھوں سے رہ گئے آنسو

سید باسط حسین ماہر لکھنوی

---

---