aankhon tak aa saki na kabhi aansuon ki lahr
ye qafila bhi naql-e-makani mein kho gaya

Abbas Tabish

---

---

aa dekh ki mere aansuon mein
ye kis ka jamal aa gaya hai

Ada Jafri

---

---

jokham ai mardum-e-dida hai samajh ke rona
Dub bhi jate hain dariya mein nahane wale

Agha Hajju Sharaf

---

---

ahta aansu ek jhalak mein kitne rup dikhaega
aankh se ho kar gal bhigo kar miTTi mein mil jaega

Ahmad Mushtaq

---

---

ok le ai zabt jo aansu ki chashm-e-tar mein hai
kuchh nahin bigDa abhi tak ghar ki daulat ghar mein hai

Ahsan Marahravi

---

---

wo mazi jo hai ek majmua ashkon aur aahon ka
na jaane mujh ko is mazi se kyun itni mohabbat hai

Akhtar Ansari

---

---

ashk jab dida-e-tar se nikla
ek kanTa sa jigar se nikla

Akhtar Imam Rizvi

---

---