ye be-sabab nahin aae hain aankh mein aansu
KHushi ka lamha koi yaad aa gaya hoga

Akhtar Saeed Khan

---

---

Tapke jo ashk walwale shadab ho gae
kitne ajib ishq ke aadab ho gae

Altaf Mashhadi

---

---

samajhta hun sabab kafir tere aansu nikalne ka
dhuan lagta hai aankhon mein kisi ke dil ke jalne ka

Ameer Minai

---

---

one wale tujhe rone ka saliqa hi nahin
ashk pine ke liye hain ki bahane ke liye

Anand Narayan Mulla

---

---

mere ashk bhi hain is mein ye sharab ubal na jae
mera jam chhune wale tera hath jal na jae

my tears too this does contain,this wine may start to boil
be careful for my goblet burns with rare intensity

Anwar Mirzapuri

---

---

main jo roya un ki aankhon mein bhi aansu aa gae
husn ki fitrat mein shamil hai mohabbat ka mizaj

Anwar Sabri

---

---

lagi rahti hai ashkon ki jhaDi garmi ho sardi ho
nahin rukti kabhi barsat jab se tum nahin aae

Anwar Shuoor

---

---