mazi ke reg-zar pe rakhna sambhal ke panw
bachchon ka is mein koi gharaunda bana na ho

Abdul Hafiz Naeemi

---

---

wo mazi jo hai ek majmua ashkon aur aahon ka
na jaane mujh ko is mazi se kyun itni mohabbat hai

Akhtar Ansari

---

---

yaad-e-mazi azab hai ya-rab
chhin le mujh se hafiza mera

Akhtar Ansari

---

---

and kar de koi mazi ka daricha mujh par
ab is aaine mein surat nahin dekhi jati

Akhtar Saeed Khan

---

---

kuredta hai bahut rakh mere mazi ki
main chuk jaun to wo ungliyan jala lega

Aziz Bano Darab Wafa

---

---

hasrat-e-dil na-mukammal hai kitab-e-zindagi
joD de mazi ke sab auraq mustaqbil ke sath

Figar Unnavi

---

---

yaadon ki bauchhaaron se jab palken bhigne lagti hain
sondhi sondhi lagti hai tab mazi ki ruswai bhi

Gulzar

---

---