nazar bacha ke jo aansu kiye the main ne pak
KHabar na thi yahi dhabbe banenge daman ke

Arzoo Lakhnavi

---

---

ye aansu DhunDta hai tera daman
musafir apni manzil jaanta hai

Asad Bhopali

---

---

phir meri aankh ho gai namnak
phir kisi ne mizaj puchha hai

Asrar-ul-Haq Majaz

---

---

ichhi thin har taraf aankhen hi aankhen
koi aansu gira tha yaad hoga

Bashir Badr

---

---

koi baadal ho to tham jae magar ashk mere
ek raftar se din raat barabar barse

Bashir Badr

---

---

main jis ki aankh ka aansu tha us ne qadr na ki
bikhar gaya hun to ab ret se uThae mujhe

Bashir Badr

---

---

shabnam ke aansu phul par ye to wahi qissa hua
aankhen meri bhigi hui chehra tera utra hua

Bashir Badr

---

---