koi manzil nahin milti to Thahar jate hain
ashk aankhon mein musafir ki tarah aate hain

Kafeel Aazar Amrohvi

---

---

muddat ke baad us ne jo ki lutf ki nigah
ji KHush to ho gaya magar aansu nikal paDe

Kaifi Azmi

---

---

ye aansu be-sabab jari nahin hai
mujhe rone ki bimari nahin hai

Kaleem Aajiz

---

---

dil bhi ai 'dard' qatra-e-KHun tha
aansuon mein kahin gira hoga

Khwaja Meer u0027Dardu0027

---

---

aaya hai mere dil ka ghubar aansuon ke sath
lo ab to hui malik-e-KHushki-o-tari aankh

Khwaja Mohammad Vazeer Lakhnavi

---

---

na ponchho mere aansu tum na ponchho
kahega koi tum ko KHosha-chin hai

Khwaja Mohammad Vazeer Lakhnavi

---

---

thame aansu to phir tum shauq se ghar ko chale jaana
kahan jate ho is tufan mein pani zara Thahre

Lala Madhav Ram Jauhar

---

---