jo aag lagai thi tum ne us ko to bujhaya ashkon ne
jo ashkon ne bhaDkai hai us aag ko ThanDa kaun kare

Moin Ahsan Jazbi

---

---

daman ashkon se tar karen kyun-kar
raaz ko mushtahar karen kyun-ka

Mubarak Azimabadi

---

---

ek aansu bhi hukumat ke liye KHatra hai
tum ne dekha nahin aaankhon ka samundar hona

Munawwar Rana

---

---

nikalne hi nahin deti hain ashkon ko meri aankhen
ki ye bachche hamesha man ki nigarani mein rahte hain

Munawwar Rana

---

---

meri ruh ki haqiqat mere aansuon se puchho
mera majlisi tabassum mera tarjuman nahin hai

Mustafa Zaidi

---

---

is qadar roya hun teri yaad mein
aaine aankhon ke dhundle ho gae

Nasir Kazmi

---

---

jo baat hijr ki aati to apne daman se
wo aansu ponchhta jata tha aur main rota tha

Nazeer Akbarabadi

---

---