main ne chaha tha ki ashkon ka tamasha dekhun
aur aankhon ka KHazana tha ki KHali nikla

Saqi Faruqi

---

---

aarzu hasrat aur ummid shikayat aansu
ek tera zikr tha aur bich mein kya kya nikla

Sarwar Alam Raz

---

---

pahle nahai os mein phir aansuon mein raat
yun bund bund utri hamare gharon mein raat

Shahryar

---

---

ab apne chehre par do patthar se sajae phirta hun
aansu le kar bech diya hai aankhon ki binai ko

Shahzad Ahmad

---

---

kabhu tu ro to us ko KHak upar ja ke ai laila
ki bin pani jangal mein ruh majnun ki bhaTakti hai

Shaikh Zahuruddin Hatim

---

---

mere aansu ke pochhne ko miyan
teri ho aastin KHuda na kare

Shaikh Zahuruddin Hatim

---

---

kya kahun dida-e-tar ye to mera chehra hai
sang kaT jate hain barish ki jahan dhaar gire

Shakeb Jalali

---

---