a-qadr-e-zauq mere ashk-e-gham ki tarjumani hai
koi kahta hai moti hai koi kahta hai pani hai

Figar Unnavi

---

---

yaad ashkon mein baha di hum ne
aa ki har baat bhula di hum ne

Ghulam Mohammad Qasir

---

---

aankhon se aansuon ke marasim purane hain
mehman ye ghar mein aaen to chubhta nahin dhuan

Gulzar

---

---

wo puchhte hain dil-e-mubtala ka haal aur hum
jawab mein faqat aansu bahae jate hain

Hadi Machlishahri

---

---

aankh kam-baKHt se us bazm mein aansu na ruka
ek qatre ne Duboya mujhe dariya ho ka

Hafeez Jalandhari

---

---

asa hon ya na hon nale ye nalon ka muqaddar hai
'hafiz' aansu baha kar ji to halka kar liya main ne

Hafeez Merathi

---

---

do ghaDi dard ne aankhon mein bhi rahne na diya
hum to samjhe the banenge ye sahaare aansu

Hakeem Nasir

---

---