ستارۂ خواب سے بھی بڑھ کر یہ کون بے مہر ہے کہ جس نے
چراغ اور آئنے کو اپنے وجود کا راز داں کیا ہے

غلام حسین ساجد

---

---

کوئی منہ پھیر لیتا ہے تو قاصرؔ اب شکایت کیا
تجھے کس نے کہا تھا آئنے کو توڑ کر لے جا

غلام محمد قاصر

---

---

میں ترے واسطے آئینہ تھا
اپنی صورت کو ترس اب کیا ہے

غلام مرتضی راہی

---

---

آئنہ دیکھ کر تسلی ہوئی
ہم کو اس گھر میں جانتا ہے کوئی

گلزار

---

---

ان کی یکتائی کا دعویٰ مٹ گیا
آئنے نے دوسرا پیدا کیا

حفیظ جونپوری

---

---

مدتیں گزریں ملاقات ہوئی تھی تم سے
پھر کوئی اور نہ آیا نظر آئینے میں

حنیف کیفی

---

---

آئنہ دیکھ کے فرماتے ہیں
کس غضب کی ہے جوانی میری

امداد امام اثرؔ

---

---