تری کوشش ہم اے دل سعئ لا حاصل سمجھتے ہیں
سر منزل تجھے بیگانۂ منزل سمجھتے ہیں

عزیز لکھنوی

---

---

تم نے چھیڑا تو کچھ کھلے ہم بھی
بات پر بات یاد آتی ہے

عزیز لکھنوی

---

---

تمہیں ہنستے ہوئے دیکھا ہے جب سے
مجھے رونے کی عادت ہو گئی ہے

عزیز لکھنوی

---

---

اداسی اب کسی کا رنگ جمنے ہی نہیں دیتی
کہاں تک پھول برسائے کوئی گور غریباں پر

عزیز لکھنوی

---

---

وہی حکایت دل تھی وہی شکایت دل
تھی ایک بات جہاں سے بھی ابتدا کرتے

عزیز لکھنوی

---

---

یہ مشورہ بہم اٹھے ہیں چارہ جو کرتے
کہ اب مریض کو اچھا تھا قبلہ رو کرتے

عزیز لکھنوی

---

---

یہ تیری آرزو میں بڑھی وسعت نظر
دنیا ہے سب مری نگہ‌ انتظار میں

عزیز لکھنوی

---

---