مرے دہن میں اگر آپ کی زباں ہوتی
تو پھر کچھ اور ہی عنوان داستاں ہوتا

عزیز لکھنوی

---

---

مجھ کو کعبہ میں بھی ہمیشہ شیخ
یاد ایام بت پرستی تھی

عزیز لکھنوی

---

---

مصیبت تھی ہمارے ہی لئے کیوں
یہ مانا ہم جئے لیکن جئے کیوں

عزیز لکھنوی

---

---

پھوٹ نکلا زہر سارے جسم میں
جب کبھی آنسو ہمارے تھم گئے

عزیز لکھنوی

---

---

قفس میں جی نہیں لگتا ہے آہ پھر بھی مرا
یہ جانتا ہوں کہ تنکا بھی آشیاں میں نہیں

عزیز لکھنوی

---

---

قتل اور مجھ سے سخت جاں کا قتل
تیغ دیکھو ذرا کمر دیکھو

عزیز لکھنوی

---

---

سبق آ کے گور غریباں سے لے لو
خموشی مدرس ہے اس انجمن میں

عزیز لکھنوی

---

---