وہ پلٹ کے جلد نہ آئیں گے یہ عیاں ہے طرز خرام سے
کوئی گردش ایسی بھی اے فلک جو بلا دے صبح کو شام سے

آرزو لکھنوی

---

---

وہ قصۂ درد آگیں چپ کر دیا تھا جس نے
تم سے نہ سنا جاتا مجھ سے نہ بیاں ہوتا

آرزو لکھنوی

---

---

یہ گل کھل رہا ہے وہ مرجھا رہا ہے
اثر دو طرح کے ہوا ایک ہی ہے

آرزو لکھنوی

---

---

بھول کے کبھی نہ فاش کر راز و نیاز عاشقی
وہ بھی اگر ہوں سامنے آنکھ اٹھا کے بھی نہ دیکھ

آرزو سہارنپوری

---

---

گو سراپائے جبر ہیں پھر بھی
صاحب اختیار ہیں ہم لوگ

آرزو سہارنپوری

---

---

کبھی کبھی تو اک ایسا مقام آیا ہے
میں حسن بن کے خود اپنی نظر سے گزرا ہوں

آرزو سہارنپوری

---

---

محسوس کر رہا ہوں خود اپنے جمال کو
جتنا ترے قریب چلا جا رہا ہوں میں

آرزو سہارنپوری

---

---