کیا کوئی دل لگا کے کہے شعر اے قلقؔ
ناقدریٔ سخن سے ہیں اہل سخن اداس

ارشد علی خان قلق

---

---

لاغر ایسا وحشت عشق لب شیریں میں ہوں
چیونٹیاں لے جانی ہیں دانہ مری زنجیر کا

ارشد علی خان قلق

---

---

مے جو دی غیر کو ساقی نے کراہت دیکھو
شیشۂ مے کو مرض ہو گیا ابکائی کا

ارشد علی خان قلق

---

---

میں وہ میکش ہوں ملی ہے مجھ کو گھٹی میں شراب
شیر کے بدلے پیا ہے میں نے شیرہ تاک کا

ارشد علی خان قلق

---

---

منزل ہے اپنی اپنی قلقؔ اپنی اپنی گور
کوئی نہیں شریک کسی کے گناہ میں

ارشد علی خان قلق

---

---

مثال آئنہ ہم جب سے حیرتی ہیں ترے
کہ جن دنوں میں نہ تھا تو سنگار سے واقف

ارشد علی خان قلق

---

---

مبارک دیر و کعبہ ہوں قلقؔ شیخ و برہمن کو
بچھائیں گے مصلیٰ چل کے ہم محراب ابرو میں

ارشد علی خان قلق

---

---