خط میں لکھی ہے حقیقت دشت گردی کی اگر
نامہ بر جنگلی کبوتر کو بنانا چاہئے

ارشد علی خان قلق

---

---

خدا حافظ ہے اب اے زاہدو اسلام عاشق کا
بتان دہر غالب آ گئے ہیں کعبہ و دل پر

ارشد علی خان قلق

---

---

کھلنے سے ایک جسم کے سو عیب ڈھک گئے
عریاں تنی بھی جوش جنوں میں لباس ہے

ارشد علی خان قلق

---

---

خوش قدوں سے کبھی عالم نہ رہے گا خالی
اس چمن سے جو گیا سرو تو شمشاد آیا

ارشد علی خان قلق

---

---

کوتاہ عمر ہو گئی اور یہ نہ کم ہوئی
اے جان آ کے طول شب انتظار دیکھ

ارشد علی خان قلق

---

---

کچھ خبر دیتا نہیں اس کی دل آگہ مجھے
وحی کے مانند اب موقوف ہے الہام کا

ارشد علی خان قلق

---

---

کفر و اسلام کے جھگڑوں سے چھڑایا صد شکر
قید مذہب سے جنوں نے مجھے آزاد کیا

ارشد علی خان قلق

---

---