ساتھ بارش میں لیے پھرتے ہو اس کو انجمؔ
تم نے اس شہر میں کیا آگ لگانی ہے کوئی

انجم سلیمی

---

---

سبھی دروازے کھلے ہیں مری تنہائی کے
ساری دنیا کو میسر ہے رفاقت میری

انجم سلیمی

---

---

شب جمال سلامت رہیں ترے پری زاد
جنہیں میں خواب سناتا ہوں رقص کرتا ہوں

انجم سلیمی

---

---

تیرے اندر کی اداسی کے مشابہ ہوں میں
خال و خد سے نہیں آواز سے پہچان مجھے

انجم سلیمی

---

---

ٹھیک سے یاد بھی نہیں اب تو
عشق نے مجھ میں کب قیام کیا

انجم سلیمی

---

---

تجھ سے یہ کیسا تعلق ہے جسے جب چاہوں
ختم کر دیتا ہوں آغاز بھی کر لیتا ہوں

انجم سلیمی

---

---

تم اکیلے میں ملے ہی نہیں ورنہ تم کو
اور ہی طرح کے اک شخص سے ملواتا میں

انجم سلیمی

---

---