میں بڑھتے بڑھتے کسی روز تجھ کو چھو لیتا
کہ گن کے رکھ دیئے تو نے مری مجال کے دن

عبد الاحد ساز

---

---

میں ایک ساعت بے خود میں چھو گیا تھا جسے
پھر اس کو لفظ تک آتے ہوئے زمانے لگے

عبد الاحد ساز

---

---

مرے مہ و سال کی کہانی کی دوسری قسط اس طرح ہے
جنوں نے رسوائیاں لکھی تھیں خرد نے تنہائیاں لکھی ہیں

عبد الاحد ساز

---

---

مری رفیق نفس موت تیری عمر دراز
کہ زندگی کی تمنا ہے دل میں افزوں پھر

عبد الاحد ساز

---

---

مفلسی بھوک کو شہوت سے ملا دیتی ہے
گندمی لمس میں ہے ذائقۂ نان جویں

عبد الاحد ساز

---

---

مشابہت کے یہ دھوکے مماثلت کے فریب
مرا تضاد لیے مجھ سا ہو بہو کیا ہے

عبد الاحد ساز

---

---

نظر کی موت اک تازہ المیہ
اور اتنے میں نظارہ مر رہا ہے

عبد الاحد ساز

---

---