ملے گا زلف آزادی انہیں کیا موسم گل میں
قفس سے چھوٹ کر گلشن میں جو بے بال و پر آئے

عالم مظفر نگری

---

---

وہ ان کا وعدہ وہ ایفائے عہد کا عالم
کہ یاد بھی نہیں آتا ہے بھولتا بھی نہیں

عالم مظفر نگری

---

---

بن کے تعبیر بھی آیا ہوتا
نت نئے خواب دکھانے والا

عالم تاب تشنہ

---

---

حد ہو گئی تھی ہم سے محبت میں کفر کی
جیسے خدا نخواستہ وہ لاشریک تھا

عالم تاب تشنہ

---

---

ہم اپنے عشق کی اب اور کیا شہادت دیں
ہمیں ہمارے رقیبوں نے معتبر جانا

عالم تاب تشنہ

---

---

ہر دور میں رہا یہی آئین منصفی
جو سر نہ جھک سکے وہ قلم کر دئیے گئے

عالم تاب تشنہ

---

---

اس راہ محبت میں تو ساتھ اگر ہوتا
ہر گام پہ گل کھلتے خوشبو کا سفر ہوتا

عالم تاب تشنہ

---

---