اچھی پی لی خراب پی لی
جیسی پائی شراب پی لی

ریاضؔ خیرآبادی

---

---

اہل حرم سے کہہ دو کہ بگڑی نہیں ہے بات
سب رند جانتے ہیں ابھی پارسا مجھے

ریاضؔ خیرآبادی

---

---

ایسی ہی انتظار میں لذت اگر نہ ہو
تو دو گھڑی فراق میں اپنی بسر نہ ہو

ریاضؔ خیرآبادی

---

---

اللہ رے نازکی کہ جواب سلام میں
ہاتھ اس کا اٹھ کے رہ گیا مہندی کے بوجھ سے

ریاضؔ خیرآبادی

---

---

اذاں کا کام چل جائے جو ناقوس برہمن سے
بڑا یہ بوجھ اترے اے موذن تیری گردن سے

ریاضؔ خیرآبادی

---

---

بڑے پاک طینت بڑے صاف باطن
ریاضؔ آپ کو کچھ ہمیں جانتے ہیں

ریاضؔ خیرآبادی

---

---

باغباں کام ہمیں کیا ہے وہ اجڑے کہ رہے
جب ہمیں باغ سے نکلے تو نشیمن کیسا

ریاضؔ خیرآبادی

---

---