شب و روز نخل وجود کو نیا ایک برگ انا دیا
ہمیں انحراف کا حوصلہ بھی دیا تو مثل دعا دیا

احمد شناس

---

---

وہ میرے علاوہ مجھے چاہتا ہے
بڑی مختلف ہے کہانی کی صورت

احمد شناس

---

---

اس قدر محفوظ رہتا ہے کہ وہ
رام کا اوتار لگتا ہے مجھے

احمد سوز

---

---

کتنی خوش حال ہے ساری دنیا
کتنا ویران ہے یہ گھر دیکھو

احمد وحید اختر

---

---

اپنی ہی ذات کے صحرا میں آج
لوگ چپ چاپ جلا کرتے ہیں

احمد وصی

---

---

برتاؤ اس طرح کا رہے ہر کسی کے ساتھ
خود کو لئے دیے بھی رہو دوستی کے ساتھ

احمد وصی

---

---

ان سے زندہ ہے یہ احساس کہ زندہ ہوں میں
شہر میں کچھ مرے دشمن ہیں بہت اچھا ہے

احمد وصی

---

---