شکوہ نہ بخت سے ہے نے آسماں سے مجھ کو
پہنچی جو کچھ اذیت اپنے گماں سے مجھ کو

قائم چاندپوری

---

---

صبح تک تھا وہیں یہ مخلص بھی
آپ رکھتے تھے شب جہاں تشریف

قائم چاندپوری

---

---

طرف نے بند کیا ہے ہر اک طرف سے تجھے
طرف نہ پکڑے تو تجھ کو ہیں لے شمار طرف

قائم چاندپوری

---

---

ترک کر اپنا بھی کہ اس راہ میں
ہر کوئی شایان رفاقت نہیں

قائم چاندپوری

---

---

تھوڑی سی بات میں قائمؔ کی تو ہوتا ہے خفا
کچھ حرمزدگئیں اپنی بھی تجھے یاد ہیں شیخ

قائم چاندپوری

---

---

ٹک فہم ارادت سے برہمن کی سمجھ شیخ
کیا کم ہے خدا سے ترے ہنگامہ بتاں کا

قائم چاندپوری

---

---

ٹکڑے کئی اک دل کے میں آپس میں سئے ہیں
پھر صبح تلک رونے کے اسباب کئے ہیں

قائم چاندپوری

---

---