تیری نگہ سے تجھ کو خبر ہے کہ کیا ہوا
دل زندگی سے بار دگر آشنا ہوا

قیوم نظر

---

---

یاد آیا بھی تو یوں عہد وفا
آہ کی بے اثری یاد آئی

قیوم نظر

---

---

برعکس کیوں ہوا ہے زمانے کے پھیر میں
حیراں ہے کوئی دکھ میں کسے دسترس ہوا

قاضی محمود بحری

---

---

یک نکتہ نکتہ داں کوں ہے کافی شناس کا
اے قصہ خواں نہ بول حکایت قیاس کا

قاضی محمود بحری

---

---

آتش عشق سے بچئے کہ یہاں ہم نے بھی
موم کی طرح سے پتھر کو پگھلتے دیکھا

قیصر خالد

---

---

اب اس طرح بھی روایت سے انحراف نہ کر
بدل اگرچہ تو اچھا نہ دے، خراب تو دے

قیصر خالد

---

---

باتوں سے پھول جھڑتے تھے لیکن خبر نہ تھی
اک دن لبوں سے ان کے ہی نشتر بھی آئیں گے

قیصر خالد

---

---