ہر دم آنے سے میں بھی ہوں نادم
کیا کروں پر رہا نہیں جاتا

قائم چاندپوری

---

---

ہر طرف ظرف وضو بھرتے ہیں زاہد ہوئی صبح
ساتھ اٹھ ہم بھی صراحی میں مئے ناب کریں

قائم چاندپوری

---

---

ہر عضو ہے دل فریب تیرا
کہئے کسے کون سا ہے بہتر

قائم چاندپوری

---

---

ہونا تھا زندگی ہی میں منہ شیخ کا سیاہ
اس عمر میں ہے ورنہ مزا کیا خضاب کا

قائم چاندپوری

---

---

ایراد کر نہ پڑھ کے مرا خط کہ یہ تمام
بے ربطیاں ہیں ثمرۂ ہنگام اشتیاق

قائم چاندپوری

---

---

الٰہی واقعی اتنا ہی بد ہے فسق و فجور
پر اس مزہ کو سمجھتا جو تو بشر ہوتا

قائم چاندپوری

---

---

جس چشم کو وہ میرا خوش چشم نظر آیا
نرگس کا اسے جلوہ اک پشم نظر آیا

قائم چاندپوری

---

---