دل تباہ کی ایذا پرستیاں معلوم
جو دسترس میں نہ ہو اس کی جستجو کرنا

پریم کمار نظر

---

---

ایک انگڑائی سے سارے شہر کو نیند آ گئی
یہ تماشا میں نے دیکھا بام پر ہوتا ہوا

پریم کمار نظر

---

---

ہو رہا ہے پس دیوار بھی کچھ
جانے کیا کرتا ہے کرنے والا

پریم کمار نظر

---

---

جی چاہتا ہے ہاتھ لگا کر بھی دیکھ لیں
اس کا بدن قبا ہے کہ اس کی قبا بدن

پریم کمار نظر

---

---

کہیں ہیں ریختہ پنجاب میں نظرؔ صاحب
بقدر ذوق تم ان کی سنو ہوا سو ہوا

پریم کمار نظر

---

---

لفظ چھن جائیں مگر تحریر ہو روشن جہاں
ہونٹ ہوں خاموش لیکن گفتگو باقی رہے

پریم کمار نظر

---

---

میں بھی تلاش آب ہوس میں نکلا ہوں
شور سنا تھا اک چشمے کے ابلنے کا

پریم کمار نظر

---

---