خوشی وصال کی اب ہے نہ رنج تنہائی
یہ کس مقام پہ مجھ کو حیات لے آئی

پیام فتحپوری

---

---

ملامتوں سے جنوں میں نہ کچھ کمی آئی
جراحتوں سے بڑھی زخم دل کی رعنائی

پیام فتحپوری

---

---

نفس نفس پہ یہاں رحمتوں کی بارش ہے
ہے بد نصیب جسے زندگی نہ راس آئی

پیام فتحپوری

---

---

پھیلا فضا میں نغمۂ زنجیر مرحبا
زنداں میں گھٹ کے رہ نہ سکی زندگی کی بات

پیام فتحپوری

---

---

سکون دے نہ سکیں راحتیں زمانے کی
جو نیند آئی ترے غم کی چھاؤں میں آئی

پیام فتحپوری

---

---

تاریخ کائنات عبادت جنوں سے ہے
عنوان عقل و ہوش ہے دیوانگی کی بات

پیام فتحپوری

---

---

جب اس نے مرا خط نہ چھوا ہاتھ سے اپنے
قاصد نے بھی چپکا دیا دیوار سے کاغذ

پیر شیر محمد عاجز

---

---