معنیٔ روشن جو ہوں تو سو سے بہتر ایک شعر
مطلع خورشید کافی ہے پئے دیوان صبح

پنڈت دیا شنکر نسیم لکھنوی

---

---

مکان سینہ کا پاتا ہوں دم بدم خالی
نظر بچا کے تو اے دل کدھر کو جاتا ہے

پنڈت دیا شنکر نسیم لکھنوی

---

---

سمجھا ہے حق کو اپنے ہی جانب ہر ایک شخص
یہ چاند اس کے ساتھ چلا جو جدھر گیا

پنڈت دیا شنکر نسیم لکھنوی

---

---

صبح دم غائب ہوئے انجمؔ تو ثابت ہو گیا
خندۂ بیہودہ پر توڑے گئے دندان صبح

پنڈت دیا شنکر نسیم لکھنوی

---

---

اپنے جنوں کدے سے نکلتا ہی اب نہیں
ساقی جو مے فروش سر رہ گزار تھا

پنڈت جواہر ناتھ ساقی

---

---

برائی بھلائی کی صورت ہوئی
محبت میں سب کچھ روا ہو گیا

پنڈت جواہر ناتھ ساقی

---

---

چھو لے صبا جو آ کے مرے گل بدن کے پاؤں
قائم نہ ہوں چمن میں نسیم چمن کے پاؤں

پنڈت جواہر ناتھ ساقی

---

---