میرے جذبات آنسوؤں والے
شعر سب ہچکیوں سے لکھتا ہوں

عبید الرحمان

---

---

نظر میں دور تلک رہ گزر ضروری ہے
کسی بھی سمت ہو لیکن سفر ضروری ہے

عبید الرحمان

---

---

شوخی کسی میں ہے نہ شرارت ہے اب عبیدؔ
بچے ہمارے دور کے سنجیدہ ہو گئے

عبید الرحمان

---

---

صحبت میں جاہلوں کی گزارے تھے چند روز
پھر یہ ہوا میں واقف آداب ہو گیا

عبید الرحمان

---

---

تعمیر و ترقی والے ہیں کہیے بھی تو ان کو کیا کہیے
جو شیش محل میں بیٹھے ہوئے مزدور کی باتیں کرتے ہیں

عبید الرحمان

---

---

تلاشے جا رہے ہیں عہد رفتہ
زمینوں کی کھدائی ہو رہی ہے

عبید الرحمان

---

---

ٹوٹتا رہتا ہے مجھ میں خود مرا اپنا وجود
میرے اندر کوئی مجھ سے برسر پیکار ہے

عبید الرحمان

---

---