اس قدر آپ کا عتاب رہے
دل کو میرے نہ اضطراب رہے

نظام رامپوری

---

---

جو جو مزے کیے ہیں زباں سے میں کیا کہوں
پاس اپنے آج تک ترے منہ کا اگال ہے

نظام رامپوری

---

---

جو کہ ناداں ہے وہ کیا جانے تری چاہت کی قدر
اے پری دیوانہ بننا کام ہے ہشیار کا

نظام رامپوری

---

---

جو کچھ اشارے ہوتے ہیں سب دیکھتا ہوں میں
ساری شرارت آپ کی میری نظر میں ہے

نظام رامپوری

---

---

کہیں اس بزم تک رسائی ہو
پھر کوئی دیکھے اہتمام مرا

نظام رامپوری

---

---

خوشبو وہ پسینے کی تری یاد نہ آ جائے
گل کیسا کبھی عطر بھی سونگھا نہ کریں گے

نظام رامپوری

---

---

کس کا ہے انتظار کہاں دھیان ہے لگا
کیوں چونک چونک جاتے ہو آواز پا کے ساتھ

نظام رامپوری

---

---