کس قدر ہجر میں بے ہوشی ہے
جاگنا بھی ہے ہمارا سونا

نظام رامپوری

---

---

کوئے جاناں میں گر اب جائیں بھی تو کیا دیکھیں
کوئی روزن نہ رہا بن گئی دیوار نئی

نظام رامپوری

---

---

کیا دعا روز حشر کی مانگیں
وہاں پر بھی یہی خدا ہوگا

نظام رامپوری

---

---

کیا کسی سے کسی کا حال کہیں
نام بھی تو لیا نہیں جاتا

نظام رامپوری

---

---

لپٹا کے شب وصل وہ اس شوخ کا کہنا
کچھ اور ہوس اس سے زیادہ تو نہیں ہے

نظام رامپوری

---

---

میں نہ کہتا تھا کہ بہکائیں گے تم کو دشمن
تم نے کس واسطے آنا مرے گھر چھوڑ دیا

نظام رامپوری

---

---

منظور کیا ہے یہ بھی تو کھلتا نہیں سبب
ملتا تو ہے وہ ہم سے مگر کچھ رکا ہوا

نظام رامپوری

---

---