دشمن سے اور ہوتیں بہت باتیں پیار کی
شکر خدا یہ ہے کہ وہ بت کم سخن ہوا

نظام رامپوری

---

---

گر کوئی پوچھے مجھے آپ اسے جانتے ہیں
ہو کے انجان وہ کہتے ہیں کہیں دیکھا ہے

نظام رامپوری

---

---

ہے خوشی انتظار کی ہر دم
میں یہ کیوں پوچھوں کب ملیں گے آپ

نظام رامپوری

---

---

حق بات تو یہ ہے کہ اسی بت کے واسطے
زاہد کوئی ہوا تو کوئی برہمن ہوا

نظام رامپوری

---

---

ہوئے نمود جو پستاں تو شرم کھا کے کہا
یہ کیا بلا ہے جو اٹھتی ہے میرے سینے سے

نظام رامپوری

---

---

اک بات لکھی ہے کیا ہی میں نے
تجھ سے تو نہ نامہ بر کہوں گا

نظام رامپوری

---

---

اک وہ کہ رات دن رہیں محفل میں اس کی ہائے
اک ہم کہ ترسیں سایۂ دیوار کے لیے

نظام رامپوری

---

---