سن اے کوہ و دمن کو سبز خلعت بخشنے والے
نہیں ملتا ترے در سے غریبوں کو کفن اب تک

نثار اٹاوی

---

---

تو نے وہ سوز دیا ہے کہ الٰہی توبہ
زندگی آگ کے شعلوں میں بسر ہوتی ہے

نثار اٹاوی

---

---

وہ دن گزرے کہ جب یہ زندگانی اک کہانی تھی
مجھے اب ہر کہانی زندگی معلوم ہوتی ہے

نثار اٹاوی

---

---

یقیناً رہبر منزل کہیں پر راستا بھولا
وگرنہ قافلے کے قافلے گم ہو نہیں سکتے

نثار اٹاوی

---

---

یہ بھی ہوا کہ در نہ ترا کر سکے تلاش
یہ بھی ہوا کہ ہم ترے در سے گزر گئے

نثار اٹاوی

---

---

یہ دل والوں سے پوچھو اس کو دل والے سمجھتے ہیں
بگاڑ آئی ہوا زلفیں کسی کی یا سنوار آئی

نثار اٹاوی

---

---

بظاہر دشت کی جانب تو بڑھتا جا رہا ہے
مگر سب راستے بھی یاد کرتا جا رہا ہے

نشانت شری واستو نایاب

---

---