کسی کو یاد کرنے کے نہیں مخصوص کچھ لمحے
کوئی جب یاد آ جائے تو پھر وہ یاد آتا ہے

نیل احمد

---

---

کتنے عالم گزر گئے مجھ پر
تم کو سوچا تھا ایک لمحے کو

نیل احمد

---

---

میں جل گئی ہوں دھوپ کی کرنوں سے جا بجا
اور وہ سمجھ رہے ہیں کہ رنگت نکھر گئی

نیل احمد

---

---

مرے سینے سے لگ کر دیر تک روتی ہے تنہائی
کسی نے کہہ دیا اس سے محبت ہو گئی مجھ کو

نیل احمد

---

---

پھولوں کی زد میں آ کے کہیں جان سے نہ جائے
میں نے اسی خیال سے تتلی اڑائی ہے

نیل احمد

---

---

قید کر لو مجھے خیالوں میں
اس جہاں سے رہائی مل جائے

نیل احمد

---

---

سارے جذبے تری چاہت کے دکھائی دیتے
کاش آنکھوں میں کہیں دل بھی دھڑکتا ہوتا

نیل احمد

---

---