بے زری فاقہ کشی مفلسی بے سامانی
ہم فقیروں کے بھی ہاں کچھ نہیں اور سب کچھ ہے

نظیر اکبرآبادی

---

---

بھلا دیں ہم نے کتابیں کہ اس پری رو کے
کتابی چہرے کے آگے کتاب ہے کیا چیز

نظیر اکبرآبادی

---

---

چلتے چلتے نہ خلش کر فلک دوں سے نظیرؔ
فائدہ کیا ہے کمینے سے جھگڑ کر چلنا

نظیر اکبرآبادی

---

---

چمک ہے درد ہے کوندن پڑی ہے ہوک اٹھتی ہے
مرے پہلو میں کیوں یارو یہ دل ہے یا کہ پھوڑا ہے

نظیر اکبرآبادی

---

---

دیکھ لے اس چمن دہر کو دل بھر کے نظیرؔ
پھر ترا کاہے کو اس باغ میں آنا ہوگا

نظیر اکبرآبادی

---

---

دیکھ اسے رنگ بہار و سرو و گل اور جوئبار
اک اڑا اک گر گیا اک جل گیا اک بہہ گیا

نظیر اکبرآبادی

---

---

دیکھے نہ مجھے کیوں کر از چشم حقارت او
وہ سرو جواں یارو من فاختۂ پیرم

نظیر اکبرآبادی

---

---