اپنی محفل میں مجھے دیکھ کے کہتا ہے وہ بت
کیوں مرے گھر میں مسلمان چلے آتے ہیں

نسیم بھرتپوری

---

---

چراغ شام غریبی تھا میں زمانے میں
کسی نے آ کے نہ ٹھنڈا کیا جلا کے مجھے

نسیم بھرتپوری

---

---

دے دیں ابھی کرے جو کوئی خوبرو پسند
ہم کو نہیں پسند دل آرزو پسند

نسیم بھرتپوری

---

---

دل کی شامت آئی جا کر پھنس گیا
یار کے گیسوئے پر خم کیا کریں

نسیم بھرتپوری

---

---

منہ میری طرف ہے تو نظر غیر کی جانب
کرتے ہیں کدھر بات کدھر دیکھ رہے ہیں

نسیم بھرتپوری

---

---

تسلیاں بھی نہیں ان کی چھیڑ سے خالی
رلا کے چھوڑتے ہیں وہ ہنسا ہنسا کے مجھے

نسیم بھرتپوری

---

---

تمہاری تیغ سے آنکھیں لگی ہیں مرنے والوں کی
یہ لیلیٰ کب مری جاں پردۂ محمل سے نکلے گی

نسیم بھرتپوری

---

---