ساری گواہیاں تو مرے حق میں آ گئیں
لیکن مرا بیان ہی میرے خلاف تھا

نفس انبالوی

---

---

تاریکیاں قبول تھیں مجھ کو تمام عمر
لیکن میں جگنوؤں کی خوشامد نہ کر سکا

نفس انبالوی

---

---

تو دریا ہے تو ہوگا ہاں مگر اتنا سمجھ لینا
ترے جیسے کئی دریا مری آنکھوں میں رہتے ہیں

نفس انبالوی

---

---

اسے گماں ہے کہ میری اڑان کچھ کم ہے
مجھے یقیں ہے کہ یہ آسمان کچھ کم ہے

نفس انبالوی

---

---

اٹھا لایا کتابوں سے وہ اک الفاظ کا جنگل
سنا ہے اب مری خاموشیوں کا ترجمہ ہوگا

نفس انبالوی

---

---

وہ بھیڑ میں کھڑا ہے جو پتھر لئے ہوئے
کل تک مرا خدا تھا مجھے اتنا یاد ہے

نفس انبالوی

---

---

یہ عشق کے خطوط بھی کتنے عجیب ہیں
آنکھیں وہ پڑھ رہی ہیں جو تحریر بھی نہیں

نفس انبالوی

---

---