انکار کر رہا ہوں تو قیمت بلند ہے
بکنے پہ آ گیا تو گرا دیں گے دام لوگ

نفس انبالوی

---

---

اس شہر میں خوابوں کی عمارت نہیں بنتی
بہتر ہے کہ تعمیر کا نقشہ ہی بدل لو

نفس انبالوی

---

---

جب بھی اس دیوار سے ملتا ہوں رو پڑتا ہوں میں
کچھ نہ کچھ تو ہے یقیناً اس میں پتھر سے الگ

نفس انبالوی

---

---

مرنے کو مر بھی جاؤں کوئی مسئلہ نہیں
لیکن یہ طے تو ہو کہ ابھی جی رہا ہوں میں

نفس انبالوی

---

---

ملتے ہیں مسکرا کے اگرچہ تمام لوگ
مر مر کے جی رہے ہیں مگر صبح و شام لوگ

نفس انبالوی

---

---

مرے خیال کی پرواز بس تمہیں تک تھی
پھر اس کے بعد مجھے کوئی آسماں نہ ملا

نفس انبالوی

---

---

نگاہوں کے مناظر بے سبب دھندھلے نہیں پڑتے
ہماری آنکھ میں دریا کوئی ٹھہرا ہوا ہوگا

نفس انبالوی

---

---