عشق تو بھی ذرا ٹکا لے کمر
دل بھی اب سو گیا ہے رات گئے

نعیم ضرار احمد

---

---

عشق وہ چار سو سفر ہے جہاں
کوئی بھی راستہ نہیں رکتا

نعیم ضرار احمد

---

---

جتنی آنکھیں تھیں ساری میری تھیں
جتنے منظر تھے سب تمہارے تھے

نعیم ضرار احمد

---

---

مان ٹوٹے تو پھر نہیں جڑتا
بد گمانی کبھی نہ آ کے گئی

نعیم ضرار احمد

---

---

میں خود کو سامنے تیرے بٹھا کر
خود اپنے سے گلہ کرتا رہا ہوں

نعیم ضرار احمد

---

---

یا حسن ہے ناواقف پندار محبت
یا عشق ہی آسانیٔ اطوار میں گم ہے

نعیم ضرار احمد

---

---

یہ جانتا ہے پلٹ کر اسے نہیں آنا
وہ اپنی زیست کی کھنچتی ہوئی کمان میں ہے

نعیم ضرار احمد

---

---