وہ زہر ہے فضاؤں میں کہ آدمی کی بات کیا
ہوا کا سانس لینا بھی محال کر دیا گیا

احمد خیال

---

---

یہ بھی اعجاز مجھے عشق نے بخشا تھا کبھی
اس کی آواز سے میں دیپ جلا سکتا تھا

احمد خیال

---

---

یہ بھی تری شکست نہیں ہے تو اور کیا
جیسا تو چاہتا تھا میں ویسا نہیں بنا

احمد خیال

---

---

قدم کچھ ایسا اٹھا آخری قدم کہ لطیفؔ
میں دو جہاں سے گیا اک جہاں بناتے ہوئے

احمد لطیف

---

---

تمہارے نام پہ میں جل بجھا تو علم ہوا
کہ سود بنتا ہے کیسے زیاں بناتے ہوئے

احمد لطیف

---

---

اب اس مکاں میں نیا کوئی در نہیں کرنا
یہ کام سہل بہت ہے مگر نہیں کرنا

احمد محفوظ

---

---

بچھڑ کے خاک ہوئے ہم تو کیا ذرا دیکھو
غبار جا کے اسی کارواں سے ملتا ہے

احمد محفوظ

---

---