بعد مرنے کے مری قبر پہ آیا غافلؔ
یاد آئی مرے عیسیٰ کو دوا میرے بعد

منور خان غافل

---

---

برسوں خیال یار رہا کچھ کھچا کھچا
اک دم مرا جو اور طرف دھیان بٹ گیا

منور خان غافل

---

---

دشمن کے کام کرنے لگا اب تو دوست بھی
تو اے رقیب درپئے آزار ہے عبث

منور خان غافل

---

---

فریاد کی آتی ہے صدا سینے سے ہر دم
میرا دل نالاں ہے کہ انگریزی گھڑی ہے

منور خان غافل

---

---

گلشن عشق کا تماشا دیکھ
سر منصور پھل ہے دار درخت

منور خان غافل

---

---

حق محنت ان غریبوں کا سمجھتے گر امیر
اپنے رہنے کا مکاں دے ڈالتے مزدور کو

منور خان غافل

---

---

اک بوسہ مانگتا ہوں میں خیرات حسن کی
دو مال کی زکوٰۃ کہ دولت زیادہ ہو

منور خان غافل

---

---