اسلام کا ثبوت ہے اے شیخ کفر سے
تسبیح ٹوٹ جائے جو زنار ٹوٹ جائے

منور خان غافل

---

---

جی میں آتا ہے مے کشی کیجے
تاک کر کوئی سایہ دار درخت

منور خان غافل

---

---

کون دریائے محبت سے اتر سکتا ہے پار
کشتیٔ فرہاد آخر کوہ سے ٹکرا گئی

منور خان غافل

---

---

خط نویسی یہ ہے تو مشتاقو
ہاتھ اک دن قلم تمہارے ہیں

منور خان غافل

---

---

کوچۂ جاناں میں یارو کون سنتا ہے مری
مجھ سے واں پھرتے ہیں لاکھوں داد اور بیداد میں

منور خان غافل

---

---

کیا خبر ہے ہم سے مہجوروں کی ان کو روز عید
جو گلے مل کر بہم صرف مبارک باد ہیں

منور خان غافل

---

---

لیلۃ القدر ہے ہر شب اسے ہر روز ہے عید
جس نے مے خانہ میں ماہ رمضاں دیکھا ہے

منور خان غافل

---

---