ترک تعلقات کا کچھ ان کو غم نہیں
ہم تو شکست عہد وفا سے ملول ہیں

محمد ایوب ذوقی

---

---

ان کی نگاہ لطف کی تاثیر کیا کہوں
ذرے کو آفتاب بنا کر چلے گئے

محمد ایوب ذوقی

---

---

انہیں خدا کا عمل شرمسار کر دے گا
بچھا رہے ہیں جو کانٹے کسی کی راہوں میں

محمد ایوب ذوقی

---

---

وجہ سکوں نہ بن سکیں حسن کی دل نوازیاں
بڑھ گئیں اور الجھنیں تم نے جو مسکرا دیا

محمد ایوب ذوقی

---

---

ابھی دکھاؤ نہ تصویر زندگی اس کو
یہ بچپنا ہے ابھی مسکرانا چاہتا ہے

مجاہد فراز

---

---

فساد، قتل، تعصب، فریب، مکاری
سفید پوشوں کی باتیں ہیں کیا بتاؤں میں

مجاہد فراز

---

---

مجھے کیا ملا ہے بتاؤں کیا
مجھے کیا دیا ہے سناؤں کیا

مکیش عالم

---

---