نہ انتظار کرو کل کا آج درج کرو
خموشی توڑ دو اور احتجاج درج کرو

مرزا اطہر ضیا

---

---

تمام شہر میں بکھرا پڑا ہے میرا وجود
کوئی بتائے بھلا کس طرح چنوں خود کو

مرزا اطہر ضیا

---

---

تیری دہلیز پہ اقرار کی امید لیے
پھر کھڑے ہیں ترے انکار کے مارے ہوئے لوگ

مرزا اطہر ضیا

---

---

تو نے اے وقت پلٹ کر بھی کبھی دیکھا ہے
کیسے ہیں سب تری رفتار کے مارے ہوئے لوگ

مرزا اطہر ضیا

---

---

شہ زور اپنے زور میں گرتا ہے مثل برق
وہ طفل کیا گرے گا جو گھٹنوں کے بل چلے

ؔمرزا عظیم بیگ عظیم

---

---

اے مصور شتاب ہو کہ ابھی
اس کا نقشہ دھیان میں کچھ ہے

مرزا اظفری

---

---

اظفریؔ غنچۂ دل بند اور آئی ہے بہار
سیر گل کو کہ یہ شاید بہ تکلف کھل لے

مرزا اظفری

---

---