قفس میں جب ذرا جھپکی مری آنکھ
یہی دیکھا نشیمن جل رہا ہے

منظر لکھنوی

---

---

سادہ ورق جواب میں اک لا کے دے گیا
دیوانہ جانتا ہے مرا نامہ بر مجھے

منظر لکھنوی

---

---

سجدے کرتا جا رہا ہوں کوئے جاناں کی طرف
راستہ بتلا رہی ہے میری پیشانی مجھے

منظر لکھنوی

---

---

شب ہجر یوں دل کو بہلا رہے ہیں
کہ دن بھر کی بیتی کو دہرا رہے ہیں

منظر لکھنوی

---

---

تفریق حسن و عشق کے انداز میں نہ ہو
لفظوں میں فرق ہو مگر آواز میں نہ ہو

منظر لکھنوی

---

---

ان کو ہنسا رہی ہے جامہ دری ہماری
پروان چڑھ رہی ہے دیوانگی ہماری

منظر لکھنوی

---

---

واعظ سے نہ پوچھوں گا کبھی مسئلۂ عشق
میں خوب سمجھتا ہوں جو ارشاد کریں گے

منظر لکھنوی

---

---