کبھی تو اپنا سمجھ کر جواب دے ڈالو
بدل بدل کے صدائیں پکارتا ہوں میں

منظر لکھنوی

---

---

کم سنی کیا کم تھی اس پر قہر ہے شکی مزاج
اپنا ناوک میرے دل سے کھینچ کر دیکھا کئے

منظر لکھنوی

---

---

کھیلنا آگ کے شعلوں سے کچھ آسان نہیں
بس یہ اک بات خدا داد ہے پروانے میں

منظر لکھنوی

---

---

کیجیے کیوں مردہ ارمانوں سے چھیڑ
سونے والوں کو تو سونے دیجیے

منظر لکھنوی

---

---

کس کا کوچہ ہے آ گیا ہوں کہاں
یاں تو کچھ نیند آئی جاتی ہے

منظر لکھنوی

---

---

کسی آنکھ میں نیند آئے تو جانوں
مرا قصۂ غم کہانی نہیں ہے

منظر لکھنوی

---

---

کچھ ابر کو بھی ضد ہے منظرؔ مری توبہ سے
جب عہد کیا میں نے گھنگھور گھٹا چھائی

منظر لکھنوی

---

---